Մոսկվայում թոշակառուն կտրել է 10-րդ հարկի բարձրության վրա գտնվող երիտասարդի ճոպանը
12-րդ հարկում բնակվող 83-ամյա կինը կտրել է 10-րդ հարկում շինարարական աշխատանք կատարող բանվորի պարանը, գրում է «Իզվեստիա» թերթը։
Դեպքը տեղի է ունեցել Մոսկվայում՝ Դոմոդեդովսկայա փողոցի տներից մեկում։ Նշվում է, որ բանվորը զբաղվել է շենքի ճակատային մասի կապիտալ վերանորոգմամբ։ Թոշակառուն կտրել է մալուխը, երբ տղամարդը գտնվել է տասներորդ հարկի բարձրության վրա։
Հրատարակության տվյալներով՝ տղամարդը չի ընկել և իջել է առաջին հարկ անվտանգության մալուխի առկայության շնորհիվ։ Իրավապահ մարմինները դեպքի առթիվ հետաքննություն են սկսել։
