20 տոննա ալյումինով բարձված Renault մակնիշի բեռնատարը կողաշրջվել է
Այսօր՝ հուլիսի 25-ին, խոշոր ավտովթար է տեղի ունեցել Լոռու մարզում։ Ժամը 02։00-ի սահմաններում Renault մակնիշի բեռնատարը Վանաձոր-Ալավերդի ավտոճանապարհի 13 կմ հատվածում, դեռևս անհայտ հանգամանքներում, դուրս եկել երթևեկելի գոտուց և կողաշրջվել։
Ինչպես հայտնում է ֆոտոլրագրող Գագիկ Շամշյանը, վթարի հետևանքով ըստ նախնական տեղեկությունների՝ բարեբախտաբար, տուժածներ չկան։
Պարեկային ծառայության Լոռու գումարտակում վթարի փաստով նյութեր են նախապատրաստվում և պարզվում է վարորդի ինքնությունը։ Գ․ Շամշյանի տեղեկություններով՝ վարորդը ազգությամբ վրացի է, ավտոմեքենան էլ բարձված է եղել մոտ 20 տոննա ալյումինով։
