«Ասելը հերիք չէ, Հայաստանը պետք է հստակ քայլեր անի». Չավուշօղլու
Թուրքիայի արտգործնախարար Մևլութ Չավուշօղլուն թուրքական հեռուստաընկեությանը տված հարցազրույցում ասել է, որ Հայաստանը պետք է ցույց տա, որ տարածաշրջանում խաղաղություն է ուզում ու պետք է հստակ քայլեր անի այդ ուղղությամբ։
«Ասելը հերիք չէ։ Հայաստանը պետք է որոշ հստակ քայլեր անի, այդ թվում՝ Զանգեզուրի նախագծի, համապարփակ խաղաղության պայմանագրի վերաբերյալ։ Մենք անկեղծ ենք, ուզում ենք տեսնել, թե Հայաստանը որքանով է անկեղծ»,- ասել է Թուրքիայի արտգործնախարարը։
Չավուշօղլուն ասել է, թե Հայաստանն ու մյուսները չպետք է մոռանան, որ հայ-թուրքական կարգավորման գործընթացն Ադրբեջանի հետ կոորդինացնելն իրականում եռակողմ գործընթաց է և պետք է կոորդինացվի Բաքվի հետ, քանի որ Թուրքիան ու Ադրբեջանը «մեկ ազգ, երկու պետություն են»։
«Եթե տարածաշրջանում խաղաղություն պիտի լինի, բոլորը եռակողմ ձևաչափով քայլեր պետք է անեն այդ ուղղությամբ»,- ասել է նա։
