«Զելենսկին լուրջ է տրամադրված, շուտով շատ անակնկալներ կլինեն». Անդրեյ Երմակ
Ուկրաինայի նախագահի աշխատակազմի ղեկավար Անդրեյ Երմակն ասել է, որ նախագահ Վլադիմիր Զելենսկին լրջորեն է վերաբերվում ուկրաինական տարածքների ազատագրմանը, ուստի պատերազմում շրջադարձային պահ է լինելու։ Այս մասին նա գրել է Telegram-ում։
Անդրեյ Երմակը հայտարարել է նաև ԱՄՆ-ի հետ մոտալուտ զրույցի մասին՝ ռազմական օգնության նոր փաթեթի վերաբերյալ։
«Նախագահը լուրջ է տրամադված և պատրաստ է անել ամեն ինչ, որպեսզի մենք հնարավորինս արագ ազատագրենք մեր տարածքները: Նա պատրաստ է խոսել համաշխարհային առաջնորդների հետ, ցույց տալ Ուկրաինայի դիրքորոշումը: Շատ բան կախված է մեր զինվորների պատրաստվածությունից: Շուտով շատ անակնկալներ կլինեն»,- ասել է Երմակը։
Նա նաեւ հավելել է, որ իրենք մշտական կապի մեջ են ռազմական հրամանատարության հետ, ուստի հայտնի է, թե ինչ է պետք բանակին ռազմաճակատում հաղթելու համար։
