Գյուրզա, սահնօձ, շահմար և իժ. նկատված օձերի վերաբերյալ ահազանգերը շատ են

ՀՀ տարբեր մարզերից և Երևանից հուլիսի 13-15-ը 7 ահազանգ է ստացվել նկատված օձերի վերաբերյալ։ Տեղեկությունը հայտնում է արտակարգ իրավիճակների նախարարության մամուլի ծառայությունը։

Սողունները նկատվել են մասնավորապես Երևանում, Արարատի մարզի Արարատ քաղաքում, Արագածոտնի մարզի Մաստարա և Կոտայքի մարզի Վերին Պտղնի գյուղերում:

Դեպքի վայր ժամանած փրկարարները բռնել են 3 գյուրզա, 1 սահնօձ, 2 շահմար, 1 իժ և տեղափոխել անվտանգ տարածք: