Նեթանյահուի շոկային հայտարարությունը ԱՄՆ-ի վերաբերյալ

Իսրայելը պետք է ազատվի սպառազինության ոլորտում ԱՄՆ-ից ունեցած կախվածությունից և ստեղծի զենքի սեփական անկախ արտադրություն։ Այս հայտարարությամբ հանդես է եկել Իսրայելի  վարչապետ Բենյամին Նեթանյահուն։ Վարչապետի խոսքերը տարածել է նրա գրասենյակը։

«Ես ուզում եմ անկախություն սպառազինության ոլորտում։ Ես խորապես գնահատում եմ մեր ամերիկացի ընկերների աջակցությունը, սակայն մենք պետք է ազատվենք կախվածությունից և ստեղծենք սպառազինության սեփական անկախ արտադրություն։ Մենք պետք է արտադրենք մեր սեփական զենքը»,- ասել է Նեթանյահուն։ 

Նեթանյահուն նշել է, որ Իսրայելը «այժմ դիմակայում է Իրանին և նրա սատելիտներին»։ 

«Մենք հարվածներ ենք հասցրել նրանց, սա դեռ վերջը չէ, բայց ամեն ինչ կախված է մեր ուժից։ Այն, թե որտեղ կլինենք 30 տարի անց, կախված է մեր ուժից։ Հետևաբար, այն, ինչ մենք անում ենք հիմա, հսկայական հզորության կուտակում է»,- հավելել է Իսրայելի վարչապետը։

Ավելի վաղ՝ Նեթանյահուն հայտնել էր, որ Իսրայելը 10 տարվա ընթացքում իր պաշտպանական բյուջեն կհամալրի 350 մլրդ շեկելով (մոտ 115 մլրդ դոլար)՝ սպառազինության արտադրության սեփական հզորությունները զարգացնելու նպատակով։