15:00 Լուրերը մեկ տողով. Քաղաքական սկանդալներ, վիճահարույց հայտարարություններ և կարևոր որոշումներ

• Երևանի ավագանու վերջին նիստն ավարտվել է լարված մթնոլորտում՝ միջադեպերով, տրանսպորտի էլեկտրականացման ծրագրի քննարկմամբ և Ամիրյան փողոցի անվանափոխության որոշմամբ։

• «Մեր ձևով» շարժման ներկայացուցիչը վարչապետին կոչ է արել ԱԺ ամբիոնից հստակ հայտարարությամբ արձագանքել Ադրբեջանի նախագահի հայտարարություններին։

• Ալեն Սիմոնյանը քննադատել է «Ուժեղ Հայաստան» կուսակցությանը՝ պնդելով, որ ընդդիմության շրջանառած որոշ թեզեր իրականության հետ կապ չունեն։

• Իշխան Սաղաթելյանը պահանջել է, որ Նիկոլ Փաշինյանը հստակ հայտարարի՝ պատրաստ է արդյոք չհանձնել Տիգրանաշենը։

• ՀԷՑ-ի տվյալներով՝ 2026-ի գարնանը վթարային հոսանքազրկումների միջին տևողությունը զգալիորեն կրճատվել է նախորդ տարվա նույն ժամանակահատվածի համեմատ։

• Ադրբեջանում անցկացված փառատոնում Հայաստանի տարածքներն ու մշակութային ժառանգությունը ներկայացվել են որպես «Արևմտյան Ադրբեջանի» մաս, ինչը քննադատության է արժանացել մասնագետների կողմից։

• ԿԳՄՍ նախարարությունը հանրային քննարկման է ներկայացրել նախագիծ, որով «Նախնական զինվորական պատրաստվածություն» առարկան կփոխարինվի «Անվտանգ կենսագործունեություն» առարկայով։

• Սոֆիայի քաղաքային խորհուրդը միաձայն որոշել է քաղաքի կենտրոնական փողոցներից մեկը անվանակոչել «Հայաստան ճեմուղի»։

• Ալեքսանդր Լուկաշենկոն հայտարարել է, որ Բելառուսն ունի բոլոր անհրաժեշտ միջոցները բնակչությանը ցանկացած արտաքին սպառնալիքից պաշտպանելու համար։