Ալեքսանդր Լուկաշենկոն խոսել է Բելառուսի բնակչության պաշտպանվածության մասին

Բելառուսի նախագահ Ալեքսանդր Լուկաշենկոն հայտարարել է, որ երկիրն ապահովված է բոլոր անհրաժեշտ միջոցներով՝ ժողովրդին ցանկացած հարձակումից պաշտպանելու համար:

Ուկրաինային սահմանակից Գոմելի մարզի նահանգապետ Իվան Կրուպկոյի հետ աշխատանքային հանդիպման ընթացքում Ալեքսանդր Լուկաշենկոն հորդորել է տեղի բնակիչներին զերծ մնալ անհանգստությունից ու մտահոգություններից։ 

Բելառուսի ղեկավարը հատուկ շեշտադրել է, որ պետությունն օժտված է բոլոր համապատասխան հնարավորություններով, որոնք թույլ են տալիս հուսալիորեն պաշտպանել քաղաքացիներին ցանկացած ագրեսորից։