Ձերբակալություններ Թուրքիայում՝ ՆԱՏՕ-ի գագաթնաժողովից առաջ

Թուրքիայի նախագահական պալատում հուլիսի 7-ից 8-ը կայանալու է ՆԱՏՕ-ի անդամ երկրների պետությունների և կառավարությունների ղեկավարների գագաթնաժողովը, որի նախապատրաստական աշխատանքներն արդեն ընթացքի մեջ են։

Այս իրադարձությանն ընդառաջ, Անկարայի ոստիկանական ուժերը վաղ առավոտյան խուզարկություններ են սկսել մի շարք հասցեներում: Ինչպես հայտնում է ոստիկանությունը իր տարածած հայտարարության մեջ, գործողությունների նպատակն է բացահայտել ահաբեկչական կառույցների գործունեությունն ու քայլերը:

Իրականացված խուզարկությունների արդյունքում իրավապահները ձերբակալել են 209 անձի: Բերման ենթարկվածների թվում են Ժողովրդական տների գլխավոր գործադիր խորհրդի անդամ Հեդիյե Յըլդըրըմը, Հեղափոխական կուսակցության ղեկավար Էլիֆ Թորուն Օներենը, ինչպես նաև լրագրող Յըլդըզ Թարը: Բացի այդ, ձերբակալվածների շարքում են փաստաբաններ Դողա Ինչեսուն, Քյուրշաթ Բաֆրան և Սեմրա Դեմիրը: