«Ինձ համար տհաճ անակնկալ էր». վարչապետ
Ես դեռ 2018-ին Մեղրիում խոստացել եմ, որ քաղաքի մանկապարտեզը շահագործման կհանձնվի, բայց մինչև հիմա այն չի գործում, ինձ համար տհաճ անակնկալ էր։
«Սյունիքի մարզի հետ կապված մի տեղեկատվություն, որն ինձ համար շատ ցավալի ու զարմանալի է: Դեռևս 2018-ին Մեղրի քաղաքում խոստացել եմ Մեղրիի մանկապարտեզի շինարարությունը... Մինչև հիմա մանկապարտեզը չի գործում, ընդ որում, պետք է պարզենք՝ ֆինանսավորման առկայության պայմաններում ինչո՞ւ գործը չի արվել»,- Կառավարության այսօրվա նիստի ժամանակ ասաց վարչապետ Փաշինյանը՝ հավելելով, որ դա համարում է անձնական պատասխանատվություն:
«Պարզաբանման պրոցեսից երեխաները չպետք է տուժեն, այն պետք է տարանջատել մանկապարտեզի կառուցման, հիմնանորոգման գործընթացից»,- նշեց նա: |
