Այստեղ առաջին գործոնը մեր հարգելի ու սիրելի քաղաքացիների մոտեցումն է և նրանց վարքագիծը․ Նիկոլ Փաշինյան
«Քանի որ ջերմաստիճանի կտրուկ բարձրացում է տեղի ունենալու, պետք է ամեն ինչ անենք՝ հրդեհներից խուսափելու համար: Այստեղ առաջին գործոնը մեր հարգելի ու սիրելի քաղաքացիների մոտեցումն է և նրանց վարքագիծը՝ բնության գրկում: Պետք է խնդրենք խստիվ պահպանել հակահրդեհային կանոնները»,- Կառավարության նիստի ժամանակ հայտարարեց վարչապետ Նիկոլ Փաշինյանը:
«Ապակե տարաներ թողնելը բնության գրկում ամենավտանգավոր բանն է: Արևից անդրադարձով՝ հրդեհ է բռնկվում»,- ասաց նա:
Հիշեցնենք՝ Հանրապետության տարածքը շարունակում է գտնվել Արաբական թերակղզու շրջաններից արևադարձային տաք օդային հոսանքների ազդեցության գոտում, ինչով պայմանավորված՝ Արարատյան դաշտում, Արագածոտնի, Վայոց ձորի նախալեռնային գոտիներում և Երևանում հուլիսի 14-18-ի ցերեկային ժամերին օդի ջերմաստիճանը կհասնի +39…+42 աստիճանի։ |
