Նախագահը հրաժարական տալու փոխարեն փախել է երկրից
Շրի Լանկայի նախագահ Գոտաբայա Ռաջապակսան հրաժարական տալուց առաջ փախել է Մալդիվներ, հայտնում է Գարդիանը։ Նա երկրից հեռացել է ռազմական ինքնաթիռով՝ կնոջ և երկու թիկնապահների հետ։
Տեղեկացնենք, որ ավելի վաղ Ռաջապակսան փորձել է փախչել ԱՄԷ, բայց օդանավակայանի աշխատակիցները թույլ չէին տվել նրան ինքնաթիռ նստել։
Ռաջապակսան հրաժարական է տալիս երկրում ստեղծված սոցիալ-տնտեսական աղետալի վիճակի և ամիսներ շարունակվող ցույցերի պատճառով։
