Մեծ Բրիտանիայի վարչապետն այսօր հեռախոսային զրույցի ընթացքում Ուկրաինայի նախագահ Վլադիմիր Զելենսկիին հայտնել է, որ Կիևը առաջիկա օրերին Լոնդոնից կստանա 10 ինքնագնաց  հրետանային կայանք, ինչպես նաև զինամթերք։ Այս մասին ասվում է Բորիս Ջոնսոնի աշխատակազմի տարածած հաղորդագրությունում։

«Վարչապետը նրան ներկայացրել է տեղեկատվություն բրիտանական վերջին ռազմական տեխնիկաների, այդ թվում՝ 10 ինքնագնաց  հրետանային կայանքների մասին։ Դրանք Ուկրաինա կհասնեն առաջիկա օրերին կամ շաբաթներին»,- նշված է հաղորդագրությունում։