ՏԵՍԱՆՅՈՒԹ. Պայթյուն և ծուխ Բերդյանսկի նավահանգստում
Պայթյուն և ծուխ է նկատվել Զապորոժիեի շրջանի Բերդյանսկ նավահանգստի մոտ: Ինչպես հայտարարել է շրջանի ռազմաքաղաքացիական վարչակազմի գլխավոր խորհրդի անդամ Վլադիմիր Ռոգովը՝ պայթյունը տեղի է ունեցել նավահանգստի տարածքի ականազերծման արդյունքում։
«Չպայթած զինամթերքը, որը հնարավոր չէր տեղափոխել, պայթեցվել է ականազերծման ժամանակ։ Շուտով Բերդյանսկի նավահանգիստը կսկսի աշխատել պլանավորվածի համաձայն»,- գրել է նա Telegram-ում։
Ներքին գործերի նախարարության Զապորոժիեի շրջանի գլխավոր վարչության պետի տեղակալ Ալեքսեյ Սելիվանովը մանրամասնել է, որ քաղաքացիների համար վտանգավոր է զինամթերքը նավահանգստի տարածքից հանելը, ուստի այն պետք է տեղում պայթեցնել։ Նա վստահեցրեց, որ բնակիչներն անհանգստանալու ոչինչ չունեն:
