ՏԵՍԱՆՅՈՒԹ․ Առաջին կադրերը՝ Աֆղանստանում տեղի ունեցած երկրաշարժից, որի հետևանքով հարյուրավոր մարդիկ են զոհվել
Աֆղանստանի Պակտիկա և Խոստ նահանգներում երկրաշարժի հետևանքով առնվազն 280 մարդ է զոհվել, ավելի քան 600-ը՝ վիրավորվել, հայտնում է Bakhtar լրատվական գործակալությունը՝ հղում անելով տեղի իշխանություններին։
«Առնվազն 280 մարդ է զոհվել, ավելի քան 600-ը՝ վիրավորվել Պակտիկա և Խոստ նահանգներում տեղի ունեցած երկրաշարժի հետևանքով», - պաշտոնյաների խոսքերը մեջբերում է գործակալությունը։
Ավելի վաղ հաղորդվել էր, որ Աֆղանստանի Պակտիկա նահանգում զոհվել է 255, վիրավորվել՝ 155 մարդ։
Ավելի վաղ ԱՄՆ Երկրաբանական ծառայությունը (USGS) հայտնել էր Աֆղանստանում 6,1 մագնիտուդ ուժգնությամբ երկրաշարժի մասին։
