Փաշինյանը հայտնել է գյուղերը ցեխից ազատելու միակ ճանապարհը
Այսօր՝ հունիսի 17-ին, կառավարության նիստում ՀՀ վարչապետ Նիկոլ Փաշինյանն ասաց, որ ինքը համոզվել է` մեր գյուղերը ցեխից ազատելու միակ ճանապարհը գյուղական փողոցների սալարկման ծրագիրն է:
«Արարատի մարզում, օրինակ, հարթ ռելիեֆով գյուղեր կան, եւ այդտեղ ասֆալտապատելը հնարավոր է, իսկ բարդ ռելիեֆով գյուղերում ասֆալտ անելը նշանակում է ասֆալտ անել մինչեւ հաջորդ ուժեղ անձրեւը: Կարծում եմ՝ կառավարության մասնակցության չափաբաժինը այսպիսի սուբվենցիոն ծրագրերում պետք է մեծացնել»,-ասաց վարչապետը:
Վերջինս հավելեց, որ սալարկման դեպքում նաեւ գյուղական կոլորիտը չի կորում:
