Արտակարգ իրավիճակ` Արմավիրի մարզում. Լեռնագոգ գյուղում փողոցները ողողվել են ջրով
Արդեն 1 ժամից ավելի է, արտակարգ իրավիճակ է ստեղծվել Արմավիրի մարզում:
Ինչպես հայտնում է ֆոտոլրագրող Գագիկ Շամշյանը, տեղացած հորդառատ անձրևի պատճառով մարզի Լեռնագոգ գյուղում փողոցները ողողվել են ջրով:
Այս պահին օպերատիվորեն ժամանել է միայն Արտակարգ իրավիճակների նախարարության փրկարար ծառայության Արմավիրի հրշեջ-փրկարարական ջոկատից 2 մարտական հաշվարկ:
Փրկարարներն ու գյուղապետարանի աշխատակիցները բնակիչների հետ փորձում են առուներ բացել և հեռացնել ջուրը:
Տեղեկութունը փոխանցվել է Արմավիրի մարզպետարան, որտեղից ժամանելու են պատասխանատուները:
