Թուրքիան հայտարարել է Սիրիայում ռազմական գործողություններ սկսելու մասին
Թուրքիան նոր ռազմական գործողություններ է սկսում Սիրիայում: Նման հայտարարությամբ է հանդես եկել Թուրքիայի նախագահ Ռեջեփ Թայիփ Էրդողանը։
«Մենք նոր փուլ ենք մտնում մեր որոշման մեջ՝ ստեղծել 30 կմ խորությամբ անվտանգ գոտի մեր հարավային սահմանների երկայնքով։ Մենք մաքրում ենք Թել Ռիֆաթն ու Մանբիջն ահաբեկիչներից. Հետո նույնը քայլ առ քայլ կանենք մյուս մարզերում։ Եկեք նայենք և տեսնենք, թե ով կաջակցի թուրքական անվտանգության այս օրինական միջոցառումներին և ով կփորձի միջամտել»,- ասել է Թուրքիայի նախագահը խորհրդարանում ելույթ ունենալով։
