«Նրանք մեզ չեն քաշքշել, կոնկրետ խփել են... հստակ հանձնարարություն են ստացել». Սաղաթելյանը նշեց տուժած պատգամավորների անունները
Իշխան Սաղաթելյանն այսօր ասուլիսի ժամանակ հայտարարեց հայտարարեց, որ Կառավարական 3-րդ շենքի դիմաց տեղի ունեցած ակցիայի ժամանակ Կարմիր բերետավորները միտումնավոր խփել են պատգամավորներին: Ըստ Սաղաթելյանի՝ ակնհայտ է, որ ոստիկանների մեջ կան ոստիկանական համազգեստով հանցագործներ, ովքեր շատ հստակ հանձնարարություն են ստացել:
«Նրանք մեզ չեն քաշքշել, կոնկրետ խփել են` ինձ, Աշոտ Սիմոնյանին, Գեղամ Մանուկյանին, Արամ Վարդևանյանին, Աղվան Վարդանյանին, Տիգրան Աբրահամյանին։ Ասում եմ նրանց անունները, ում ես տեսել եմ։ Նրանք շատ հստակ հանձնարարություն են ստացել։ «Կարմիրբերետավորներին» էլ ղեկավարում են հայտնի օլիգարխները»,– նշեց Սաղաթելյանը։
