Ուժգին տեղումներ, հոսանքի անջատումներ. ԱԻՆ-ը՝ իրավիճակի մասին

 Երևանում և մի շարք մարզերում ուժգին տեղումներ են։ 

Auroranews.am-ը կապ հաստատեց ԱԻն-ի մամուլի խոսնակ Հայկ Կոստանյանի հետ։ Նա նշեց, որ Երևանի տարբեր վարչական շրջաններում վթարային անջատումներ են եղել։ Հայաստանի Էլեկտրացանցերից հայտնել են, որ աշխատում են էլեկտրականությունը վերականգնելու ուղղությամբ։ Շուտով կվերականգնվեն։

Հարցին՝ եղանակի կտրուկ վատթարացումից հետո ԱԻՆ-ը ահազանգեր ստացել է, թե ոչ, խոսնակը նշեց, որ այս պահին թարմացված տեղեկություն չկա։

Հիշեցնենք նաև եղանակային կանխատեսումը՝ առաջիկա օրերի համար։ Հանրապետության տարածքում  մայիսի 23-ին ցերեկը, 24-25-ը ժամանակ առ ժամանակ շրջանների զգալի մասում սպասվում է անձրև և ամպրոպ: Առանձին հատվածներում հնարավոր է նաև կարկուտ: Տեղումներ են սպասվում նաև գիշերային ժամերին։ Մայիսի 26-28-ը սպասվում է առանց տեղումների եղանակ: