Լևոն Քոչարյանը` պաշտոնի հավակնելու մասին
«Ես որևէ պաշտոնի չեմ հավակնում։ Եթե մեր շարժումը հաջողի, չեմ ուզում և պլանավորում որևէ պաշտոն ստանալ։ Ինչ վերաբերում է Երևանի քաղաքապետի ընտրություններին, ապա դա հաջորդ տարվա սեպտեմբերին է, ես այդ մասին քննարկում չեմ ունեցել ո՛չ ընտանիքում, ո՛չ դաշինքում»,-այս մասին անհնազանդության ակցիայի ժամանակ լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը:
Հիշեցնենք, որ «Դիմադրություն» շարժման մասնակիցները նախարարությունների շենքի մոտ էին։ Ընդդիմադիր խմբակցությունների պատգամավորները պատրաստվում են մտնել ներս՝ պարզելու նախարարների դիրքորոշումը՝ հրապարակված հայտարարության վերաբերյալ: Այս մասին հայտարարել է «Դիմադրություն» շարժման համակարգող Իշխան Սաղաթելյանը:
