Եվրամիությունը համաձայնության է եկել գազի պահեստավորման ընդհանուր կանոնակարգի շուրջ
ԵՄ երկրների դեսպանները նախնական պայմանավորվածություն են ձեռք բերել գազի պահեստավորման ընդհանուր կարգավորման վերաբերյալ։ Այս մասին Twitter-ում հայտնել է ԵՄ-ում Ֆրանսիայի նախագահությունը։ Այս մասին գրում է Известия-ն:
«Եվրամիության երկրների մշտական ներկայացուցիչների կոմիտեն համաձայնեցրեց Եվրախորհրդարանի հետ ձեռք բերված նախնական քաղաքական համաձայնությունը գազի պահեստավորման կարգավորման վերաբերյալ։ Սա կարևոր քայլ է մատակարարման անվտանգության բարելավման ուղղությամբ»,- ասվում է հաղորդագրության մեջ։
Ավելի վաղ հայտնի էր դարձել, որ Ուկրաինայի տարածքով Գերմանիա մատակարարվող գազի ծավալը նվազել է օրական գրեթե 25%-ով, դրանք փոխհատուցվում են Նորվեգիայից և Նիդեռլանդներից մատակարարումներով։ Միևնույն ժամանակ, «Գազպրոմը» հայտնել է, որ Կիևը միայն մեկ մուտք է թողել դեպի Եվրոպա ռուսական գազի տարանցման համար, ինչը զգալիորեն կնվազեցնի գազի մատակարարման հուսալիությունը:
