Ուկրաինայի պաշտպանական արդյունաբերությանն ավելի քան 100 միլիարդ գրիվնայի վնաս է հասցվել. «Ուկրօբորոնպրոմ»
Ռուսական բանակը Ուկրաինայի ռազմարդյունաբերական համալիրին ավելի քան 100 մլրդ գրիվնայի (Խմբ.՝ ավելի քան 3.3 միլիարդ դոլար) վնաս է հասցրել: Այս մասին հայտարարել է «Ուկրօբորոնպրոմ» պետական կոնցեռնի մամուլի քարտուղար Նատալյա Սադը։
«Պետական ռազմարդյունաբերական համալիրին օկուպանտների հասցրած վնասի չափը գերազանցել է 100 միլիարդ գրիվնայի նշագիծը։ Միևնույն ժամանակ, ավերածությունների մասշտաբների գնահատումը նոր է սկսվել և միջանկյալ է», - ասել է նա։
