Բոլորը ցանկանում են խուսափել ՌԴ-ՆԱՏՕ ուղիղ բախումից, բայց Մոսկվան պատրաստ է պատասխանել ցանկացած կողմին․ Պեսկով

Բոլորը ցանկանում են խուսափել Ռուսաստանի և ՆԱՏՕ-ի միջև ուղիղ բախումից, բայց միևնույն ժամանակ Մոսկվան պատրաստ է վճռական պատասխան տալ ցանկացած կողմին, որը կփորձի մտնել Ուկրաինայում հատուկ գործողության մեջ, ասել է ՌԴ նախագահի խոսնակ Դմիտրի Պեսկովը։ 

«Ռուսաստանի և ՆԱՏՕ-ի միջև ուղիղ բախումից ցանկանում են խուսափել բոլորը, նաև Ռուսաստանը: Դա բազմիցս հայտարարվել է նաև ՆԱՏՕ-ում, և, կարծում եմ, ամենակարևորը Վաշինգտոնում: Այդ թվում, ամենաբարձր մակարդակով, նման հայտարարություններ արել է նախագահ Բայդենը: Դա այն է, ինչից բոլորը կցանկանային խուսափել։ Այն, որ Ռուսաստանը պատրաստ կլինի ամենավճռական պատասխանը տալ այն կողմին, որը փորձում է ինչ-որ կերպ մտնել Ուկրաինա և մտնել հատուկ ռազմական գործողության մեջ, որն այժմ իրականացնում են ՌԴ Զինված ուժերը»,- ինչպես փոխանցում է ՌԻԱ «Նովոստի»-ն՝ լրագրողներին ասել է Պեսկովը։

Պեսկովը հիշեցրել է, որ Ռուսաստանի Դաշնության նախագահի այս հայտարարությունները հայտնի են։

«Եվ մենք առաջին հերթին ելնում ենք այս հայտարարություններից»,- հավելել է նա։