Երևանում 18-ամյա տղան ինքնագլորով հայտնվել է BMW-ի առաջ
Երեկ՝ մայիսի 6-ին, վրաերթ է տեղի ունեցել Երևանում։ Ժամը 16։00-ի սահմաններում Մոսկովյան փողոցի թիվ 59/12 հասցեի դիմաց Երևանի բնակիչ՝ 37-ամյա Ռոման Քալաշյանը իր վարած BMW մակնիշի ավտոմեքենայով բախվել է Երևանի բնակիչ՝ 18-ամյա Ալեքսանդր Միխայլովի վարած ինքնագլորին։
Ինչպես դեպքի վայրից հայտնում է shamshyan.com-ը, բախման հետևանքով Ա. Միխայլովն ընկել է։ Ըստ նախնական տեղեկությունների՝ BMW-ն թույլատրելի հատվածով երթևեկելիս է եղել, երբ Ա. Միխայլովը ինքնագլորով չթույլատրելի հատվածով հայտնվել է BMW-ի դիմաց, ստեղծել վթարային իրավիճակ, ինչի հետևանքով էլ տեղի է ունեցել բախումը։
