ՄԱԿ-ը աշխատում է Ռուսաստանի և Կիևի հետ՝ «Ազովստալ»-ից մարդկանց տարհանելու համար
ՄԱԿ-ը շարունակում է աշխատել Կարմիր խաչի միջազգային կոմիտեի (ԿԽՄԿ), Մոսկվայի և Կիևի հետ «Ազովստալ» պողպատի գործարանից և Մարիուպոլից խաղաղ բնակչության հերթական տարհանումը կազմակերպելու համար։ Այս մասին գրում է РИА Новости-ն:
Նշվում է, որ այդ մասին ճեպազրույցում ասել է ՄԱԿ-ի գլխավոր քարտուղարի խոսնակ Ստեֆան Դյուժարիկը։
Նրա խոսքով՝ գործարանի թունելներում մարդիկ կան:
«Մեզ համար դժվար է ստույգ թիվ ասել: Մենք շարունակում ենք աշխատել ԿԽՄԿ-ի, Ուկրաինայի և Ռուսաստանի Դաշնության հետ ամենաբարձր մակարդակներում՝ ավելի շատ մարդկանց Մարիուպոլից և Ազովստալից դուրս բերելու համար»,- ասել է Դյուժարիկը:
