Ռուսաստանը սկսել է «Ազովստալ» գործարանի գրոհը. Unian
Ռուսական զորքերը զրահատեխնիկայի ներգրավմամբ փորձում են գրոհել Մարիուպոլի «Ազովստալ» գործարանը։ Ինչպես
հայտնում է unian.net-ը՝ մանրամասնելով, որ ավիահարվածի արդյունքում 2 քաղաքացիական կին է զոհվել։
Այս մասին տեղեկատվական հեռուստամարաթոնի եթերում հայտնել է Ազգային գվարդիայի 12-րդ օպերատիվ բրիգադի հրամանատար Դենիս Շլեգան։
«Ներկայումս իրավիճակը «Ազովստալ»-ում շատ է բարդացել, ողջ գիշեր թնդանոթային հրետանին, ռազմածովային հրետանին և օդանավերը խոցել են գործարանը։ Պետք է տխուր լուր հայտնեմ՝ բունկերից մեկում ավիահարվածի ժամանակ 2 քաղաքացիական կին է զոհվել։ Առավոտյան հակառակորդը փորձում է գրոհել «Ազովստալ» գործարանը զրահատեխնիկայի ներգրավմամբ: Մեր զինվորները խիզախորեն հետ են մղում բոլոր հարձակումները», - ասել է նա՝ մանրամասնելով, որ գործարանում կա մոտ 500 վիրավոր, մոտ 200 խաղաղ բնակիչ, որոնցից 20-ը երեխաներ են, ուստի անհրաժեշտ է ակտիվացնել տարհանման տեմպերը։
Մայիսի 1-ին սկսվել է Մարիուպոլի «Ազովստալ»գործարանից խաղաղ բնակիչների տարհանումը։ Նույն օրն Ուկրաինայի նախագահ Վլադիմիր Զելենսկին հայտարարել է, որ մոտ 100 մարդ է տեղափոխվել Զապորոժիե։ Մարիուպոլի քաղաքապետ Վադիմ Բոյչենկոյի խոսքով՝ մայիսի 2-ին Ազովստալի տարածքում ռմբապաստարաններից դուրս են բերվել ավելի քան 100 խաղաղ բնակիչ։
