Երևանում 19-ամյա աղջկա են վրաերթի ենթարկել
Այսօր՝ ապրիլի 26-ին, վրաերթ է տեղի ունեցել Երևանում: Ժամը 15:20-ի սահմաններում Երևանի բնակիչ, 54-ամյա Մկրտիչ Ջ.-ն իր վարած Mazda CX-5 մակնիշի ավտոմեքենայով Եղվարդի խճուղում՝ թիվ 89 տան դիմաց, վրաերթի են ենթարկել Երևանի բնակիչ, 19-ամյա Մարիամ Գ.-ին։
Ինչպես դեպքի վայրից հայտնում է shamshyan.com-ը, վարորդը փախուստի չի դիմել, օգնել է օպերատիվորեն ժամանած բժիշկների հերթապահ խմբին՝ վիրավորին նախ տեղում բուժօգնություն ցուցաբերել, ապա տեղափոխել «Արմենիա» բժշկական կենտրոն:
Դեպքի վայրում մի քաղաքացի պարեկներին տեղեկացրել է, որ վրաերթը կատարել է սպիտակ գույնի ավտոմեքենա, որը հարվածելով երեխային, նրան շպտրել է, որից հետո երեխան բախվել է Mazda-ին, իսկ այդ սպիտակ ավտոմեքենայի վարորդը դեպքի վայրից դիմել է փախուստի: Mazda-ի վարորդը ենթարկվել է սթափության փորձաքննության, նա եղել է սթափ: Պարեկային ծառայությունը և հետաքննական բաժանմունքը ձեռնարկում են անհրաժեշտ միջոցառումեր՝ ստացած տեղեկությունը սպիտակ ավտոմեքենայի կողմից վրաերթ կատարելու մասին, պարզելու վարորդի ինքնությունը և վարորդին և ավտոմեքենան հայտնաբերելու ուղղությամբ:
