Պակիստանի զինված ուժերը բերվել են բարձր մարտական պատրաստվածության
Պակիստանի զինված ուժերը բերվել են բարձր մարտական պատրաստվածության, երբ Հնդկաստանը հայտարարել է Քաշմիրում ռազմական գործողության մասին: Այս մասին են հայնում հնդկական ԶԼՄ-ները:
Ավելի վաղ Հնդկաստանի ոստիկանությունն ու բանակը հայտնել էին, որ Քաշմիրի հարավում սկսվում է անջատողականների ոչնչացման ռազմական գործողությունը:
Հնդկական ԶԼՄ-ների տվյալներով ՝ ոստիկանները գնդակահարել են պակիստանցի ահաբեկչի եւ "Ջաիշ-ի-Մոհամմադ" խմբավորման (Քաշմիրում իսլամիստական ահաբեկչական կազմակերպություն) զինյալի:
Քաշմիրի տարածքը Հնդկաստանի եւ Պակիստանի միջեւ վիճելի է: Քաշմիրում պետական սահման չկա, այդ տարածքը բաժանում է վերահսկողության գիծը ։ Հնդկական մասում ակտիվորեն գործում են խմբավորումներ, որոնք հանդես են գալիս երկրից առանձնանալու օգտին ։
