«Դա իսկական աղետ կլինի». գերմանացիները դեմ են ռուսական գազի եւ նավթի նկատմամբ էմբարգոյին
Գերմանական առեւտրաարդյունաբերական պալատների ասոցիացիայի գլխավոր գործադիր տնօրեն Մարտին Վանսլեբենը հայտարարել է, որ Գերմանիան արդարացում չունի ռուսական էներգակիրների նկատմամբ էմբարգո սահմանելու համար: Նա նշել է, որ մատակարարումների արգելքը կհանգեցնի աղետի Գերմանիայի տնտեսության համար:
«Բնական գազի էմբարգոն իսկական աղետ կլիներ ներկայիս իրավիճակում։ Համեմատությունները համաճարակի հետեւանքների հետ բոլորովին սխալ են... Սա շատ ավելի լուրջ կլինի», - հայտարարել է Վանսլեբենը
Նա նշել է, որ Գերմանիան մեծապես կախված է Ռուսաստանից նավթի եւ գազի մատակարարումներից, իսկ նոր սահմանափակումների պատճառով կարող են տուժել քիմիական, պողպատե եւ դեղագործական արդյունաբերությունները: Ընդ որում ՝ քիմիական ոլորտին հասցված վնասի հետեւանքները կզգացվեն ոչ միայն Գերմանիայում, այլեւ ամբողջ Եվրոպայում։ Այդ կապակցությամբ առեւտրաարդյունաբերական պալատը դեմ է ռուսական գազի եւ նավթի նկատմամբ էմբարգոյին։
