Զախարովան վտանգավոր է որակել Զելենսկու առաջարկը

ՌԴ ԱԳՆ պաշտոնական ներկայացուցիչ Մարիա Զախարովան չափազանց վտանգավոր է որակել Ուկրաինայի նախագահ Վլադիմիր Զելենսկու՝ Վիկտոր Մեդվեդչուկին ուկրաինացի ռազմագերիների հետ փոխանակելու առաջարկը։ Այդ մասին նա հայտարարել է չորեքշաբթի օրը կայացած ճեպազրույցում, փոխանցում է ՏԱՍՍ-ը։ 

«Երեկ Զելենսկին հայտարարեց «Ընդդիմադիր պլատֆորմ՝ հանուն կյանքի» կուսակցության առաջնորդ Վիկտոր Մեդվեչուկի ձերբակալության և ուկրաինացի զինծառայողների հետ փոխանակելու պատրաստակամության մասին։ Մենք այս միտումը համարում ենք չափազանց վտանգավոր՝ հաշվի առնելով, որ երկրում կան շատ ընդդիմադիր քաղաքական և հասարակական գործիչներ»,-նշել է Զախարովան: