Իրանից հայտարարել են, որ կոշտ պատասխան կտան այլ պետությունների՝ միջազգայնորեն ճանաչված սահմանները փոխելու ծրագրերին
Իսլամական հեղափոխության պահապանների կորպուսի թվիթերյան պաշտոնական էջը տեսանյութ է հրապարակել, որտեղ ներկայացված են Հայաստանի սահմանները, մասնավորապես Սյունիքի մարզի սահմանները։
Տեսանյութը սկսվում է զգուշացումով. «Իրանի Իսլամական Հանրապետությունը կոշտ պատասխան կտա այլ պետությունների՝ միջազգայնորեն ճանաչված սահմանները փոխելու ծրագրերին»:
Ապա ցուցադրվում է Իրանի հոգեւոր առաջնորդ այաթոլլահ Խամենեիի ելույթը, որտեղ նա ասում է. «Պետք է հարգել միջազգային սահմանները, այսինքն՝ երկու երկրներ չպետք է ոտնձգություն կատարեն միմյանց ինքնիշխանության դեմ»։
