Իրանը չի համաձայնի արտատարածաշրջանային ռազմածովային ուժերի ներկայությանը տարածաշրջանում. Իրանի ՌԾՈՒ

Իրանի ռազմածովային ուժերի հրամանատար փոխծովակալ Շահրամ Իրանին թշնամական, ոչ տարածաշրջանային ռազմածովային ուժերին կոչ է արել զերծ մնալ տարածաշրջանում ներկայությունից՝ պնդելով, որ ո՛չ տարածաշրջանը, ո՛չ նրանց ընդունող երկրներն այդ ներկայությունից ավելի անվտանգ չեն դառնա, հաղորդում է Mehr գործակալությունը: 

«Ոչ տարածաշրջանային եւ ոչ բարեկամ երկրներին ուղղված մեր ուղերձն այն է, որ մեր տարածաշրջանում բավական ուժեր կան, եւ որեւէ հիմնավորում չկա այս տարածաշրջանի ջրերում նրանց ներկայության համար»,- հայտարարել է իրանցի փոխծովակալը: 

Վերջինս հավելել է, որ ոչ մի խնդիր չի լինի, եթե ոչ տարածաշրջանային երկրները գտնվեն տարածաշրջանում՝ այցելության եւ գիտելիքների փոխանակման նպատակով: 

«Սակայն եթե նրանք ցանկանում են մտնել անվտանգության ոլորտ, մենք պետք է ասենք, որ այսօր Իրանի Իսլամական Հանրապետությունը նման բան թույլ չի տա»,- ասել է նա: