Իմ ականջին տարբեր բաներ են գալիս, հասնում․ քաղաքապետը նշեց՝ խաբում են
Իմ ականջին տարբեր բաներ են գալիս, հասնում, որ ես զբաված եմ, փաստաթղթեր չեմ ստորագրում՝ սկսած շինթույլտվություններից և ավարտական ակտից։ Նորից բացահայտ ես ասում եմ՝ այդ ամեն ինչը սուտ է, Երևանի քաղաքապետարանի գործավարական խորհրդակցությանը հայտարարեց քաղաքապետ Հրաչյա Սարգսյանը։
«Էն որ ասում են, թե քաղաքապետը զբաղված է ու ավարտական ակտ չի ստորագրում, սուտ է, ձեզ խաբում են։ Խնդրում եմ, այդ դեպքերում զանգեք թեժ գիծ ու անուն-ազգանուն տվեք, թե ով է իմ անունը շահարկել։ Ինչ վերաբերում է շինթույլտվություններին, ապա շաբաթը երեք օր ես փոստ եմ նայում։ Միգուցե ծանրաբեռնված է, խնդիրներ կան, բայց պետք չի շենքերի տակ խոսել, թե քաղաքապետը զբաղված է։ Ի՞նչ է նշանակում քաղաքապետը զբաղված է։ Իմ գործն է, ես պետք է անեմ։
Մի՛ արեք ընենց, որ սկսեմ զբաղվել արդեն անուններով, տեսնեմ, թե ով ա ասել։ Եթե ձեր մոտ խնդիր կա ավարտական ակտերի հետ կապված, եկեք, ասեք՝ խնդիր կա, հասկանանք՝ ինչումն է խնդիրը, գիտեմ, թե ինչ եմ ասում ելի, ասում ա՝ «Не первый день замужем»։ Հորդորում եմ՝ իմ անունից, երբ ինչ-որ բան են ասում, շատ զգույշ լինեն։ Փոքր քաղաք ա էլի, էդ ամեն ինչը 5 րոպեում գալիս, հասնում ա», - ասաց Հրաչյա Սարգսյանը։
