Ռուսաստանն ու Իրանը նոր փաստաթղթեր են պատրաստել. Լավրովը մանրամասնում է
Մոսկվան և Թեհրանը նախապատրաստում են փաստաթղթեր, որոնք պետք է արձանագրեն ռուս-իրանական գործընկերության նոր որակը: Մարտի 15-ին այդ մասին հայտարարել է Ռուսաստանի արտաքին գործերի նախարար Սերգեյ Լավրովն Իրանի արտգործնախարարության ղեկավար Հոսեյն Ամիր Աբդոլլահիանի հետ հանդիպմանը, տեղեկացնում է «Արմենպրես»-ը:
«Մեզ մոտ պատրաստվում են նոր կարևոր փաստաթղթեր, որոնք կոչված են արձանագրելու մեր գործընկերության նոր որակը»,- ասել է նա:
Նրա խոսքով՝ Ռուսաստանի Դաշնությունը նաև գնահատում է Իրանի անաչառ դիրքորոշումն Ուկրաինայի իրադրության վերաբերյալ:
«Ցանկանում եմ նշել, որ մենք գնահատում ենք մեր վստահական երկխոսությունը և ձեր անկողմնակալ դիրքորոշումն այն բանի վերաբերյալ, ինչ տեղի է ունենում Ուկրաինայում»,- ասել է Ռուսաստանի դիվանագիտական գերատեսչության ղեկավարը:
