Ուկրաինայում կենսաբանական զենքի առկայության մասին լրացուցիչ փաստեր կհրապարակվի. ՌԴ ԱԳՆ
Ռուսաստանը մոտ ժամանակներս լրացուցիչ փաստեր կհրապարակի Ուկրաինայում կենսաբանական զենքի առկայության մասին։ Այդ մասին ռուսական առաջին ալիքի եթերում հայտարարել է ՌԴ արտաքին գործերի նախարարի տեղակալ Ռյաբկովը։
«Վերջին օրերի խոշորագույն թեման կենսաբանական զենքի ստեղծման ոլորտում ամերիկա-ուկրաինական համագործակցության գաղտնի պահվող փաստերն են, այդ ոլորտում հետազոտությունները, որոնք անմիջականորեն սպառնում են մեր երկրի ու նրա բնակչության անվտանգությանը»,-ասել է Ռյաբկովը։
Ռուս պաշտոնյան նշել է, որ մոտ օրերս համապատասխան նյութեր կհրապարակվեն և հավելել, որ ԱՄՆ-ն ամբողջ աշխարհում շուրջ 300 կենսաբանական լաբորատորիա ունի, որոնց առնչությամբ ՌԴ-ն նոր փաստական ապացույցներ կներկայացնի։
