Իտալիան Ուկրաինային զինամթերք է փոխանցել

Իտալիայի իշխանություններն Ուկրաինային են փոխանցել հակատանկային նռնականետեր և գնդացիրներ։ Այս մասին հայտնում է La Repubblica թերթը։ 

Իտալիայի ԶՈՒ ներկայացուցիչն անանունության պայմանով պարբերականին հայտնել է, որ Կիևին փոխանցվել է զենք, որը «ստեղծվել է՝ քաղաքացիական անձանց կողմից տանկերը կանգնեցնելու համար»։ Նա հստակեցրել է, որ Բելգիան, Իտալիան և Գերմանիան Ուկրաինա են ուղարկել «Պանցերֆաուստ» հակատանկային նռնականետերի ժամանակակից տարբերակը։ 

Բացի այդ, ինչպես հաստատում է թերթը, եվրոպական երկրները նաև ուղարկում են զինամթերք, գիշերային տեսանելիության ակնոցներ, գնդացիրներ, ընդ որում՝ Իտալիան՝ երկու տարբեր մոդել։