Միխայիլ Պոդոլյակը հայտնել է՝ երբ կկայանա բանակցությունների երրորդ փուլը
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը Լվովում կայացած ճեպազրույցի ժամանակ հայտարարել է, որ ռուս-ուկրաինական բանակցությունների երրորդ փուլը կարող է կայանալ մարտի 5-ին կամ 6-ին։
«Բանակցությունների երրորդ փուլը կարող է կայանալ վաղը կամ մյուս օրը։ Սպասում ենք, մշտական ուղիղ կապի մեջ ենք»,- ասել է Պոդոլյակը։
Նա նշել է նաև, որ երբ կրակի դադարեցման մասին խոսելու նախադրյալներ կլինեն, իրենք պատրաստ են քննարկել դա։
Միխայիլ Պոդոլյակին հարց է ուղղվել նաև Ուկրաինայի նախագահ Վլադիմիր Զելենսկու գտնվելու վայրի մասին, սակայն վերջինս հրաժարվել է պատասխանել դրան։