Ադրբեջանում Ուկրաինայի դեսպանատան կոչը՝ ադրբեջանցիներին

Ադրբեջանում Ուկրաինայի դեսպանությունը ֆեյսբուքյան իր պաշտոնական էջում կոչ է արել Ադրբեջանի քաղաքացիներին չգնել ռուսական արտադրության ապրանքներ։ Դուք գնում եք ռուսականը, դուք ֆինանսավորում եք պատերազմը: Նրանց զենքերը սպանում են մեր երեխաներին»,- ասվում է դեսպանատան հրապարակման մեջ։

Նշենք, որ ադրբեջանցիները շատ ակտիվորեն աջակցում են Ուկրաինային Ռուսաստանի դեմ պատերազմում։ Մասնավորապես, անցյալ շաբաթ Բաքվում Ուկրաինայի դեսպանատան մոտ տեղի է ունեցել հանրահավաք, որի ժամանակ հնչել են հակառուսական կարգախոսներ, վիրավորանքներ ՌԴ նախագահ Վլադիմիր Պուտինի հասցեին ՝«մարդասպան Պուտին», «Պուտին բռնապետ» և այլ:  Ադրբեջանում Ուկրաինայի դիվանագիտական ​​ներկայացուցչությունը նույնպես հայտարարել է Ուկրաինային մարդասիրական օգնության համար դրամահավաքի մասին, և քաղաքացիները ակտիվորեն գումար են փոխանցում ադրբեջանական բանկային հաշվեհամարին։