Պուտինն ակնարկել է, որ կարող է վերահսկողության տակ վերցնել «ամբողջ Ուկրաինան». Ելիսեյան պալատ
Ռուսաստանի նախագահ Վլադիմիր Պուտինն ակնարկել է, որ կարող է վերահսկողության տակ վերցնել «ամբողջ Ուկրաինան»։ Այս մասին հայտնում է BFMTV-ը՝ Ելիսեյան պալատի մամուլի ծառայությանը հղումով։
Նշվում է, որ Պուտինն այս մասին ակնարկել է Ֆրանսիայի նախագահ Էմանուել Մակրոնի հետ զրույցում: Մակրոնի խոսքով՝ Պուտինը «մեծ վճռականություն» է հայտնել շարունակել հատուկ գործողությունը, եթե Ուկրաինան չընդունի Ռուսաստանի պայմանները։
«Ռուսական հավակնություններն են՝ գրավել ամբողջ Ուկրաինան։ Վլադիմիր Պուտինի ռազմական նպատակները չեն փոխվել»,- ասել են Ելիսեյան պալատում։
Պուտինը և Մակրոնը զրուցել են այսօր:
