ՏԵՍԱՆՅՈՒԹ. ԱԺ-ում նախագահի ընտրության քվեարկությունը սկսել է

 Մեր հարևանների հետ պետք է բարիդրացիական հարաբերություններ հաստատենք, այլ ճանապարհ չունենք: Այս մասին ԱԺ-ում ելույթի ժամանակ հայտարարեց ՀՀ նախագահի թեկնածու Վահագն Խաչատուրյանը:

Ըստ ՀՀ նախագահի թեկնածուի՝ մեր տարածաշրջանը պետք է դառնա համագործակցության հարթակ, մեր հարևանների հետ պետք է բարիդրացիական հարաբերություններ հաստատենք և Հայաստանի զարգացումն այդ տրամաբանության մեջ ապահովենք, քանի որ այլ չանապարհ չունենք.

«Պետք չէ մտածել, թե որևէ մեկը պետք է գա և օգնի, մեզ դժվար իրավիճակից հանի, մենք ունենք հարևաններ և հարևանների հետ պետք է կարողանանք խաղաղ ապրել, ինձ  համար սա գաղափարախոսություն է: Իմ առօրյա կյանքում էլ ես առաջնորդվում եմ սկզբունքով, որ հարևանի հետ խոսելը, բանակցելը ավելի հեշտ ճանապահ է, քան վիճելը, կռվելը և ուժ ցույց տալը: Ուժ կարող եք ցույց տալ խելքով, գիտելիքով, տեխնոլոգիական ձեռքբերումներով, որով կարող եք աշխարհում դառնալ առաջնակարգ երկիր»,-ասաց Խաչատուրյանը:

Այժմ արդեն ԱԺ-ում ընթանում է նախագահի ընտրության քվեարկությունը: