Դուրս բերել ՌԴ բոլոր զորքերը, այդ թվում՝ Ղրիմից և Դոնբասից. Զելենսկու գրասենյակի ներկայացուցչի հայտարարությունը իրարանցում է առաջացրել

 Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչն ասել է, որ Ռուսաստանի հետ բանակցություններում Ուկրաինայի պայմաններն են՝ հրադադարը և բոլոր ռուսական զորքերի դուրսբերումն Ուկրաինայի տարածքից։ Այս մասին Արեստովիչը հայտնել է ԶԼՄ-ներից մեկի հետ զրույցում:

Նրա խոսքով, միջազգային կոնվենցիաների, այդ թվում՝ դիվանագիտական ​​հարաբերությունների մասին Վիեննայի կոնվենցիայի համաձայն, «բանակցությունների ընթացքը չի լուսաբանվում այնքան ժամանակ, քանի դեռ կողմերը չեն եկել ընդհանուր համաձայնության»։

Նա նշել է, որ Ուկրաինայի պայմանները պարզ են՝ զինադադար և ռուսական բոլոր զորքերի դուրսբերում, և դա ուկրաինական կողմից սեղանին է։

Հաղորդավարի ճշտող հարցին`  խոսքը վերաբերում է նաև Դոնբասից դուրս գալուն, Արեստովիչն ասաց. «Դոնբասի և Ղրիմի մասին ևս: Բոլոր զորքերը Ուկրաինայի տարածքից: Նրանք բոլորին, այնուամենայնիվ, կջախջախվեն, ուստի ավելի լավ է ինքնակամ հեռանալ»:

 Униан ուկրաինական թելեգրամյան ալիքի աղբյուրը կապ է հաստատել Արեստովիչի հետ, պարզելու, վերջինիս Դոնբասի և Ղրիմի մասին պնդումը Ուկրաինայի պաշտոնական տեսակետն է, թե ոչ: Նա նշել է, որ դա եղել է իր անձնական կարծիքն ու դիրքորոշումը: 

[7d0d0d19d290fe3ab5a84cc221087a22.PNG]