Նոր հակառուսական բանաձև. ԵԽ-ն պատժամիջոցների նոր բանաձև է ընդունել
Եվրախորհրդարանի պատգամավորները հավանություն են տվել բանաձևին, որը դատապարտում է Ուկրաինայում Ռուսաստանի ռազմական գործողությունը և կոչ անում կոշտ պատժամիջոցներ կիրառել Մոսկվայի դեմ: Բանաձևը քվեարկության է դրվել այսօր Բրյուսելում ԵԽ-ի արտահերթ լիագումար նստաշրջանում:
Եվրախորհրդարանի պատգամավորները կարծում են, որ Ռուսաստանը պետք է փոխհատուցի հատուկ գործողության ընթացքում Ուկրաինայի ենթակառուցվածքներին հասցրած վնասը:
«Եվրախորհրդարանն ընդգծում է, որ Ռուսաստանի Դաշնությունը պատասխանատու է ուկրաինական ենթակառուցվածքների, ներառյալ քաղաքացիական օբյեկտների և բնակելի շենքերի, ինչպես նաև զգալի տնտեսական կորուստների համար, և պետք է փոխհատուցի իր ագրեսիվ գործողությունների հետևանքով պատճառված վնասը»,- ասված է բանաձևում։
