Ռուս-ուկրաինական բանակցությունները կմեկնարկեն առավոտյան ժամերին

Ռուսաստանի Դաշնության և Ուկրաինայի միջև բանակցությունները երեկ չեն կայացել հայտնում է Sputnik Բելառուսը՝ հղում անելով իր աղբյուրին։

Ավելի վաղ ՌԴ նախագահի օգնական Վլադիմիր Մեդինսկին հայտնել էր, որ Ուկրաինան համաձայնության է եկել Գոմելի շրջանում բանակցությունների շուրջ, և այնտեղ է մեկնել ռուսական պատվիրակությունը։ Ռուսաստանի նախագահի մամուլի քարտուղար Դմիտրի Պեսկովը նշել է, որ դրան նախորդել է Բելառուսի նախագահ Ալեքսանդր Լուկաշենկոյի և Վլադիմիր Զելենսկու հեռախոսազրույցը։

Ավելի ուշ Sputnik Բելառուսը նշել էր, որ Ալեքսանդրովկա-Վիլչա անցակետը կլինի Ռուսաստանի և Ուկրաինայի միջև բանակցությունների վայրը։

Sputnik Բելառուսին իրազեկ աղբյուրը հայտնել է նաև, որ հանդիպման վայրը փոխվել է ուկրաինական կողմի խնդրանքով։

Ռուս-ուկրաինական բանակցությունները կմեկնարկեն առավոտյան ժամերին։ Այս մասին հայտնում է ՏԱՍՍ-ը։