Հիմա նորից հետ գնացեք ու լսեք Հայկ Մարությանի հոգեցունց ելույթը՝ հեղափոխական արժեքների ու աշխատավարձերի մասին. Վահագն Ալեքսանյան

Հայկ Մարությանը հեռանալուց առաջ որոշել էր հեղափոխական արժեքների փոքր մաստեր-կլաս անցկացնել։ Ինչից ասես որ չխոսեց, մի մեծ շեշտ դրեց նախարարների աշխատավարձի վրա՝ դրանք որակելով հեղափոխական արժեքների ուրացում։ Այս մասին ֆեյսբուքյան իր էջում գրում է ԱԺ «ՔՊ» խմբակցության պատգամավոր Վահագն Ալեքսանյանը:
 

«Օրեր առաջ ձերբակալվեց Հայկ Մարությանի մտերիմը հանդիսացող Արմեն Գրիգորյանը, ով Մարությանի հրամանով նշանակվել էր «Աղբահանություն և սանիտարական մաքրում» հիմնարկի տնօրեն։ Ձերբակալվեց 17 միլիոն դրամի չարաշահման համար։ Մարությանի մտերիմը մեղքն ընդունեց ու վնասը վերականգնեց։
 

Հիշեցնեմ, որ այս մարդը ամսական ստանում էր 1,5 միլիոն դրամ միջինացված աշխատավարձ: Նաև հիշեցնեմ, որ այս մարդը իր պաշտոնում էր նշանակվել միայն Հայկ Մարությանի մտերիմը լինելու բերումով։
 

Հիմա նորից հետ գնացեք ու լսեք Հայկ Մարությանի հոգեցունց ելույթը՝ հեղափոխական արժեքների ու աշխատավարձերի մասին»։