Կրեմլը պետք է «մի քայլ հետ քաշվի». Ջոնսոնի կոչը` Պուտինին

 «Ռուսաստանի և Ուկրաինայի սահմանին իրավիճակը շարունակում է մնալ շատ լարված, բայց Մոսկվան ու Լոնդոնը միասի  հնարավորություն ունեն կարգավորել ամեն ինչ, եթե Կրեմլը «մի քայլ հետ քաշվի» և շարունակի երկխոսությունը Արեւմուտքի հետ»,- ասել է Մեծ Բրիտանիայի վարչապետ Բորիս Ջոնսոնը «Թվիթեր»-ի իր անձնական գրառման մեջ:

Ըստ Ջոնսոնի,  եթե  դեէսկալացիայի միջոցառումները ժամանակին ձեռք առնվեն, ապա տարածաշրջանի երկրները կկարողանան խուսափել հավանական պատերազմի սարսափելի հետևանքներից: 

Մեծ Բրիտանիայի ղեկավարը կոչ է արել բոլոր կողմերին վերսկսել խաղաղ բանակցությունները:

Ավելի վաղ, Բորիս Ջոնսոնը եվրոպական երկրներին կոչ էր արել հրաժարվել ռուսական գազի գնումից. «Մենք պետք է գտնենք էներգիայի այլընտրանքային աղբյուրներ եւ պետք է պատրաստ լինենք Ռուսաստանի վրա շատ, շատ լուրջ տնտեսական սահմանափակումներ մտցնել»:

Ավելի վաղ հայտնի դարձավ, որ Ջոնսոնը մտադիր է քննարկել Եվրամիության առաջնորդների հետ Ուկրաինայում պատերազմը կանխելու ուղիները եւ կիեւյան կողմին պաշտպանության ապահովման հարցում օժանդակելու հարցերը:

Մեծ Բրիտանիայի վարչապետի գրասենյակը հայտնել է, որ նա ամեն ջանք կգործադրի եւ դիվանագիտական հնարավորությունները կօգտագործի դեէսկալացիայի համար: