Չինաստանն ԱՄՆ-ին մեղադրել է պատերազմի սպառնալիքն ուռճացնելու մեջ
Չինաստանն ԱՄՆ-ին մեղադրել է պատերազմի սպառնալիքն ուռճացնելու եւ Ուկրաինայի շուրջ ստեղծված իրավիճակում լարվածություն ստեղծելու մեջ։ Այս մասին լրագրողներին ասել է ՉԺՀ-ի արտգործնախարարի խոսնակ Վան Վենբինը։
«Արեւմուտքի որոշ երկրների կողմից բարձրացրած աղմուկն ու ապատեղեկատվությունը անորոշություն են ստեղծում խնդիրներով լի աշխարհում եւ խորացնում են տառապանքն ու պառակտումը»,- ասել է նա։
«Հուսով ենք՝ համապատասխան կողմերը կդադարեցնեն նման ապատեղեկատվական արշավները եւ կանեն ավելին՝ ի շահ խաղաղության, փոխադարձ վստահության եւ համագործակցության։ Չինաստանի եւ Ռուսաստանի իշխանությունները մշտապես աշխատում են բարիդրացիական երկարաժամկետ հարաբերություններ զարգացնելու եւ փոխշահավետ համագործակցության ուղղությամբ»,- հավելել է նա։
