Պուտինը պատրաստ է բանակցել. Պեսկովը նշել է` որ դեպքում
ՌԴ նախագահ Վլադիմիր Պուտինը պատրաստ է բանակցել անվտանգության երաշխիքների թեմայի շուրջ։ Այս մասին երկուշաբթի օրը CNN-ին հայտնել է ՌԴ նախագահի մամուլի քարտուղար Դմիտրի Պեսկովը։
Պեսկովը Ուկրաինայի տարածք ռուսական հնարավոր ներխուժման մասին խոսակցությունները որակել է անհիմն լարվածություն, և ընդգծել է, որ Ռուսաստանը որևէ մեկի համար վտանգ չի ներկայացնում.
«Նախ, նախագահ Պուտինը միշտ պահանջել է բանակցություններ և դիվանագիտություն: Եվ, փաստորեն, հենց նա նախաձեռնեց Ռուսաստանի Դաշնության անվտանգության երաշխիքների հարցը:Ուկրաինան Ռուսաստանի անվտանգության երաշխիքների մեծ խնդրի միայն մի մասն է, և, իհարկե, նախագահ Պուտինը պատրաստ է բանակցել»,-ասել է Պեսկովը։
