ԵՄ-ն խստորեն դատապարտում է Դոնեցկը և Լուգանսկը անկախ սուբյեկտներ ճանաչելու ՌԴ պետդումայի կոչը

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել է, որ ԵՄ-ն խստորեն դատապարտում է ՌԴ պետդումայի որոշումը՝ դիմելու նախագահ Պուտինին՝ կոչ անելով անկախ սուբյեկտներ ճանաչել ուկրաինական Դոնեցկի և Լուգանսկի մարզերի կառավարական վերահսկողություն չունեցող տարածքները: 

«Ճանաչումը մինսկյան պայմանավորվածությունների ակնհայտ խախտում կարող է լինել»,- ասել  է Բորելը:

Ավելի վաղ ՌԴ Պետդուման լիագումար նիստի ժամանակ կողմ էր քվեարկել Դոնեցկի եւ Լուգանսկի ժողովրդական հանրապետությունները ճանաչելու վերաբերյալ որոշման նախագծին: Խորհրդարանի ստորին պալատի խոսնակ Վյաչեսլավ Վոլոդինի խոսքով՝ պատգամավորները կարծում են, որ ԴԺՀ-ի եւ ԼԺՀ-ի ճանաչումը հիմքեր կստեղծի անվտանգության երաշխիքներն ապահովելու եւ արտաքին սպառնալիքներից հանրապետությունների բնակիչներին պաշտպանելության համար, ինչպես նաեւ միջազգային խաղաղության եւ տարածաշրջանային կայունությունն ամրապնդելու համար։