Զելենսկին կարծում է, որ ՆԱՏՕ-ին անդամակցելը երաշխավորում է Ուկրաինայի անվտանգությունը
Ուկրաինայի նախագահ Վլադիմիր Զելենսկին հայտարարել է, որ Ուկրաինան ձգտում է անդամակցել ՆԱՏՕ-ին։ Զելենսկին բացատրել է այս ցանկության դրդապատճառը. Ուկրաինայի նախագահի խոսքով՝ դաշինքին անդամակցելը կերաշխավորի այս երկրի անվտանգությունն ու տարածքային արժեքը։
Այս մասին Զելենսկին ասել է երկուշաբթի՝ փետրվարի 14-ին, Գերմանիայի կանցլեր Շոլցի հետ հանդիպումից հետո կայացած ճեպազրույցի ժամանակ։
«Ուկրաինայի ձգտումը դեպի Եվրամիություն, իր սահմաններն ամրապնդելու, դաշինքի ապագայի մեր հավակնությունների նկատմամբ, դուք շատ լավ գիտեք։ Բացի այն, որ դա մեր պետության ցանկությունն է, բացի այն, որ արևելքում պատերազմ է, մենք հասկանում ենք, որ կցանկանայինք անդամակցել ՆԱՏՕ-ին, և այո, սա կլիներ մեր անվտանգության, մեր տարածքային ամբողջականության պահպանումը»,- Զելենսկու խոսքերն է մեջբերում «ՌԻԱ Նովոստին»։
Զելենսկին ափսոսանք է հայտնել, որ այս հարցում ամեն ինչ չէ, որ կախված է Ուկրաինայից։
